အောင်ဗလကြော်

အောင်ဗလကြော် ဒီမုန့်က ကျွန်မအလွန်ကြိုက်သော မုန့်ဖြစ်ပါတယ်။ ဆိမ့်ဆိမ့်အိအိလေးနဲ့ စားကောင်း လွန်းလှပါတယ်။ ဗမာမုန့်များဟာ တကယ်ကောင်းလွန်းလှတာမို့ ကျွန်မကတော့ ကိတ်မုန့် တစ်တုံးနဲ့ လဲမယ်ဆိုရင် ဗမာမုန့်ကိုသာ အားပါးတရစားမဲ့သူပါ။ ကြည့်ရအောင်နော်။

ပါဝင်ပစ္စည်းများ (၄လက်မ ခွဲ အချင်းရှိမုန့် ၅ ချပ်စာ)

• ဆန်မှုန့် – rice cooker ဆန်ခွက် ၂ ခွက်
• ကောက်ညှင်းမှုန့် – rice cooker ဆန်ခွက် ခွက်တစ်ဝက်
• ကြက်ဥ – ၂ လုံး
• ရေ – rice cooker ဆန်ခွက် တစ်ခွက်ခွဲ
• ဆား – အချိုဇွန်း တစ်ဇွန်း
• ဆော်ဒါ (ဆိုဒါ) – အချိုဇွန်းတစ်ဝက်
• သကြား – စားပွဲတင် ၆ ဇွန်း

ဆန်မှုန့်၊ ကောက်ညှင်းမှုန့်တို့ကို ဇလုံတစ်ခုမှာ ရေကို နည်းနည်းစီထည့်မွှေပေးပါ။

သကြားကို ရေနွေး ၂ ဇွန်းစာနဲ့ဖျော်၊ ဆိုဒါနှင့် ကြည်ဥကို ခေါက်ထည့်ပြီး ခုဏက ဖျော်ထားသော မုန့်နှစ်ရည်ထဲသို့ ရောကာမွှေပေးပါ။ မုန့်ပွလာစေရန် ရေစိုဝတ်အုပ်ပြီး ၄ နာရီခန့်ထားပေးပါ။

၅ လက်မ အချင်းရှိ non stick ဒယ်အိုးကို (ပုံမှာပြထားသလို) ဆီအနည်းငယ်ဆိုရုံမျှ ထည့်ပြီး အပူပေးပါ။ မုန့်နှစ်ရည်ကို ခပ်ပြည့်ပြည့်ဖြည့်ပြီး အဖုံးခဏအုပ်ထားပါ။

၂ မိနစ်ခန့်ကြာရင် မုန့်ကို တစ်ဖက်သို့ လှန်ကာ အပူပေးပါ။ ညိုရောင်သမ်းလာရင် ရပါပြီ။

အောင်ဗလမုန့်ကို တချို့က သကြားရည်ကျိုပြီးသား သကြားပွင့်များကပ်ကာ စားကြ ပါတယ်။ ကျွန်မကတော့ လွယ်လွယ်ကူကူ သကြားနဲ့ပဲ တို့စားလိုက်ပါတယ်။ ဒီအတိုင်းစား လည်း ဆိမ့်ဆိမ့်လေးနဲ့ အလွန်ကောင်းသော ပွပွ အိအိ အောင်ဗလကြော် မုန့်လေးပါ။

မုန့်လိပ်ပြာ

ကျမ အမျိုးသားက ပဲအမျိုးမျိုးကြိုက်တယ် ကျွန်းကျောင်းသား\အညာသားစစ်စစ်။ ကျမ လုပ်တဲ့ မုန့်တွေမှာ သူက ပဲနဲ့လုပ်တဲ့ မုန့်ဆိုအလွန်ကြိုက်ပါတယ်။ ဒါနဲ့ တခြားဟာတွေ အားမပေးဘူးလား ဆိုတော့ အမှန်အကန်ပုံမှန်စားသုံးသူပါပဲ။ ဒီ မုန့်လေးမှာသုံးတဲ့ ready madeဆန်ပြားဖတ်လေးကိုတော့ ကျမ က facebook မနီဆိုတဲ့အမရဲ့ စိတ်ကူးကို ယူပါတယ်။ ဒီလို နိုင်ငံခြားက အိမ်ရှင်မတွေ အတွက် မုန့်လုပ်စားရာမှာ လွယ်ကူနေဖို့ လိုတာကြောင့် ဒီ ready made ဆန်ပြားလေးတွေက နေရာမရွေးဝယ်လို့လဲရနေတော့ သုံးရန်အလွယ်ကူဆုံးပါ။ တနေ့ကတော့ snow white khaing က black bean နဲ့လုပ်ထားတာတွေ့လို့ black bean ပါထပ်ထဲ့ရေးပေးလိုက်တယ်။ ဗမာပြည်မှာတော့ကတော့ ပဲကတ္တီပါ နဲ့ လုပ်ကြရတာပါ။
ပါဝင်ပစ္စည်းများ
-rice paper ၁၀ ရွက်
– red kidne (သို့) black bean ၁ဘူး 400 g
-ဆား ဇွန်းဝက် ( အချိုဇွန်း )
-ထန်းညက် ၃ခဲ ( အချိုကြိုက်ရင်ပိုထဲ့ပါ)
-ရေနွေး
ဗူးပဲကို သုံးတာမို့ ပဲပြုတ်ရတဲ့အချိန်သက်သာပါတယ်။ ပဲကို ခဏရေစစ်ထားပါ။ ပဲတွေက နူးညံ့ပြီးသားမို့ ဇွန်းတချောင်းနဲ့ ဆားထဲ့ ပြီး ဖိခြေလိုက်ပါ။ ထန်းညက်ကို အရည်ဖျော်( သို့) အသေးလေးများတုံးပြီးရော မွှေပေးပါ။

ဒီအနေမှာတင် သုံးလို့ရပေမဲ့ ကျမက ပဲ အနံ့မွှေးချင်လို့ microwave မှာ ၁မိနစ်စီ ထဲ့ တခါပြန်မွှေ အဲလိုမျိုး ၅ မိနစ်လုပ်ပါတယ်။ (မွှေးနေတာပဲ ) ရိုးရိုးနည်းနဲ့အိုးတလုံးထဲရေခံပေါင်းလို့လဲရပါတယ်နော်။ ခဏပေါ့ ။
ရေနွေးပူပူကို ဗန်းတဗန်းမှာထဲ့ ၁ရွက်ချင်းစီ 2မိနစ်ခန့်စိမ် ပြန်ဆယ်ကာ ပန်ကန်တချပ်ပေါ်တင်ပြီး အလယ်တွင် ပဲကို တင်ပေးပါ။

( ကျမ ကတော့ ပဲမတင်ခင် rice paper မျက်နှာပြင်ကို kitchen towel လေးနဲ့ ရေခြောက်အောင် လိုက်တို့လိုက်တယ် ) ပြီးရင်ခေါက်ပြီး သုံးဆောင်လို့ရပါပြီ။

အုန်းသီးခြစ်၊ အုန်းဆီချက်အနှစ်နဲ့ လဲတွဲစားနိုင်ပါတယ်. ဆန်ပြားကို စိမ်တဲ့ ရေနွေးဟာ နွေးတယ်ဆိုတဲ့အနေထက်နဲနဲပိုပူရပါမယ်။ ဆန်ပြား ကျက်မှစားလို့ကောင်းတာမို့ အလျင်စလိုမထုတ်စေချင်ပါဘူး။ အဆင်ပြေလွယ်ကူစားသုံးနိုင်ပါစေရှင်။

မုန့်စိမ်းပေါင်း

ဒီမုန့်စိမ်းပေါင်းကတော့ ကျမတို့မြန်မာလူမျိုးတွေမှ မဟုတ်ပဲ သီရိလင်္ကာ လူမျိုးများမှာလဲ စားကြပါတယ်။ တရက်က ကျမအိမ်က ဘေစင်ထဲမှာ ပင့်ကူ အကြီးတကောင်ဝင်နေပြီး အပေါ်ပြန်တတ်တိုင်း မရလို့ အဲဒီထဲပဲနေနေရပါတယ်။ ကျမ ကလဲ ပုရွတ်ဆိတ်တောင် နဲနဲကြီးရင် ကြောက်သူမို့ ကိုထက်ကိုဖုန်းဆက်ခေါ်တော့ သူက အိမ်နဲ့တော်တော် ဝေးဝေးကို ရောက်နေပြီ။ အဲဒီတော့ ဒီပင့်ကူတကောင်နဲ့ ဒီအိမ်ထဲ ထိုင်မရ ထမရဖြစ်နေရတာမို့ အိမ်ရှေ့ကသီရိလင်္ကာ လူမျိုးများဖွင့်ထားတဲ့ ကုန်စုံဆိုင်မှာ သွား အကူအညီတောင်းရပါတယ်၊ ပိုင်ရှင်မိန်းမက ကျမနဲ့ခင်နေသူမို့ သူ့သားလေး ကို လိုက်သွားပြီးကူ ဆိုခိုင်းလိုက်တယ်။ ကလေးက ၁၃ နှစ် မျက်နှာစပ်ဖြဲဖြဲနဲ့ လိုက်ဖယ်ပေးရှာတယ်။ သူ့စိတ်ထဲ ငါတောင်မကြောက်တာ ဒီမိန်းမကြီး မကြီးမငယ်နဲ့ ကြောက်တတ်လိုက်တာဆိုပြီး နေမှာပေါ့။ ကျမက သူ့ကို မီးဖိုထဲ ပိတ်ကိုထားလိုက်တယ်၊ မတော် ဟိုပင့်ကူက သူ့လက်က လွတ်ပြီး ကိုယ့်ဆီပြေးလာမှဆိုပြီးလေ။ ဟိုကလေးကပင့်ကူကို ခြံထဲ လွှတ်ပေးပြီး ငါ့လဲ တံခါးပြန်ဖွင့်ပါအုန်းဆိုမှ ဖွင့်ပေးတာ။ သူ့ကိုပြန်လိုက်ပို့ပြီး သူအမေကို ကျေးဇူးတင်စကားပြောမှ သူစားနေတာ ငါတို့ မုန့်စိမ်းပေါင်းနဲ့ တူလှချည့်ဆို စိတ်ဝင်စားဟန်ပြ ဟိုက စားမလားမေးတော့ အရှက်မရှိ ဝင်မြည်း ဒါဘယ်လိုလုပ်သလဲမေးနဲ့ အဲသလို ရဲတင်းပြီး ရထားတဲ့နည်းပေါ့။ သူတို့က မုန့်သားမှာ အုန်းသီးဖတ်လေးတွေတောင်ပါသေး။ ကျမက မအားလပ်တဲ့ အိမ်ရှင်မများအဆင်ပြေစေရန် ရည်ရွယ်ပြီး လွယ်ကူအောင် နည်းကို ပေါင်းစပ်ပြီး ရေးပေးပါမယ်။

္စပါဝင်ပစ္စည်းများ
-ဆန်မှုန့် အကြမ်း course rice flour ၃၀၀ ဂရမ်( ဆန်မှုန့်ကြိတ်ထားတာတွေ အလွန်မှုန့်နေရင် မကောင်းပါ)
-အုန်းနို့ ဦးရည်၁၀၀ မီလိမီတာ ( အပျစ်ကိုဆိုလိုပါတယ်)
-ထန်းညက်ရေ ကျို ၁၀၀ မီလီမီတာ
-ဆား အချိုဇွန်း ၁ဇွန်း
-ရေနွေး ဆူဆူ ၁၀၀မီလီလီတာ
စစချင်း ဆန်မှုန့်များကို ဇလုံတခုမှာ ထဲ့ပြီး ရေနွေး ဆူဆူကို နဲနဲချင်းစီ ထဲ့လိုက် သစ်သားယောင်းမဖြင့် မွှေလိုက်လုပ်ပေးပါ။ မစိုတစိုဖြင့် လုံးထွေးမနေသော ဆန်သားမွှမွှရပါမယ်။ ဆား ထဲ့ရောပေးပါ။ အဲဒါကို ကျမက ရေနွေးဆူပြီးသားပေါင်းအိုးမှာ ၁၅ မိနစ်ခန့် ပေါင်းပါတယ်။

 ဒီအဆင့်မှာ ကြာကြာပေါင်းနိုင်ရင် ပိုကောင်းပါတယ်

ရလာပြီဆိုရင် တော့ ခဏ အအေးခံပြီးမှ ဆန်မှုန့် ၁ဝက်ကို အုန်းနို့ ကိုနဲနဲစီရောပြီး လိုက်မွှပါ။ နောက် တဝက်ကို ထန်းညက်ရေဖြင့် ရောမွှပေးပါ။ လက်ဖွဖွဖြင့်မွှေပေးပါ။ ဆုပ်နယ်လိုက်ရင် မုန့်သား မလှပဲ အခဲပုံဖြစ်သွားပါမယ်။

အဲဒီနောက်မှာ တော့ ဇကာပေါ်ဖိချပေးရပါမယ်။ မုန့်အမှုန့်လေးများရအောင်ပါ။ ကျမက blender ထဲ ထဲ့ကြိတ်ပါတယ်။ ပုံပါအတိုင်း ခပ်မွှမွှလေးများရလာပါမယ်နော်။

ကျမကမုန့်ပေါင်းအိုးအစား ဖန်ဇလုံ အသေးကို သုံးပါတယ်။ အုန်းနို့အရော မုန့်သားအမွှများကို အရင်ထဲ့ ထန်းညက် အသားကို အပေါ်က ထဲ့ပါတယ်။ (ဖိသိပ်မထဲ့ရပါ)

အပေါ်က အဝတ်ပါးတခုကို အုပ်ပြီး ပေါင်အိုးမှာပါတဲ့ ဇကာပေါ် မှောက်ရက်အနေဖြင့်တင်ကာ အောက်က ရေများများခံပြီး ၄၅ မိနစ်ခန့်အလုံပိတ် ပေါင်းပါတယ်ရှင်။

ပေါင်းပြီးရင်တော့ ပန်းကန်တချပ်ပေါ် မှောက်ချကာ နှမ်းထောင်းတို့ အုန်းဆံခြစ်တို့ဖြင့် ပူပူနွေးနွေးမွှေးမွှေးလေးစားလို့ရပါပြီ။ အဆင်ပြေနိုင်ကြပါစေရှင်။

       အုန်းနို့ ၊ ထန်းညက် အပျစ်အကျဲပေါ် မူတည်ပြီး ပေါင်းချိန်ပိုကြာတတ်ပါတယ်။ ပေါင်းပြီးရင် ဘေးနားတွေမခြောက်အောင် ဆီသုတ်ထားတာ (သို့) ပတ်ထားတာတို့ လုပ်သင့်ပါတယ်။

ငှက်ပျောသီးကောက်ညှင်းထုပ်ကို ကျမ လုပ်ချင်လို့ ရခိုင် ငှက်ပျောသီး ရန်ကုန်ကို မှာရပါတယ်။ ရခိုင်ငှက်ပျောကမှ ကျက်ရင်နီသွားပြီး ပိုချိုတာကို။ နိုင်ငံခြားက လူတွေ တော့ plantain banana ကိုသုံးလို့ရပါတယ်။ ငှက်ပျောသီးကို အခြမ်းလေးများခြမ်းထားပေးပါ။ ကျမ ကတော့ ကိုထက် မေမေ ကိုထက်ပြန်လာတုန်းက ထဲ့ပေးလိုက်တာကိုသုံးတာပါ.

ပါဝင်ပစ္စည်းများ
-ကောက်ညှင်းဆန်ကောင်းကောင်း-.၂ ခွက်( ဆန်ချိန်ခွက်)
-ရခိုင်ငှက်ပျောသီး- ၅ လုံး
-ဆား- ၁ ဇွန်း(အချိုဇွန်း)
-သကြား၊ အုန်းသီးခြစ်

ကောက်ညှင်းဆန်ကိုတည ကြိုတင်ရေဆေးစိမ်ထားပါ။နောက်တနေ့မှာကောက်ညှင်းတွေကိုရေစင်အောင်စစ်ထားပါ။ ကောက်ညှင်းကို ဆာ့း ဖြင့်နယ်ထားပါ။ ငှက်ပျောသီးကို အခြမ်းလေးများခြမ်းထားပေးပါ။

ငှက်ပျောဖက်ကို မီးကင်ထားပါ။ နို့မို့ရင် ထုပ်တဲ့အခါ ဖက်က မာဆတ်ဆတ်နဲ့ကွဲထွက်လာတတ်ပါတယ်။ 

ဖက်ကို နှစ်ရွက်လောက် ထပ်ပြီး ကောက်ညှင်း၁ဇွန်း (စားပွဲတင်) တင်ပါ ။ အပေါ်က ငှက်ပျောသီးစိတ်ကိုတင်ပါ။ ကောက်ညှင်း ၁ ဇွန်းနဲ့ ထပ်
အုပ်ပါ။ နှီးကြိုး(သို့) ကြိုး တမျိုးမျိုး တင်းတင်းစည်းရပါမယ်

ပီးရင်တော့ ပြုတ်မည့်အိုးထဲကို စီထည့်ပြီးရေကိုကောက်ညှင်းထုပ်လေးများ မြုပ်အောင်ထည့်လိုက်ပါ။ကောက်ညှင်းထုပ်ပြုတ်ရာမှာ အပြုတ်နာလေ ကောက်ညှင်းထုပ်အသား ကောင်းလေပါဘဲ။ ရေကို ၂ခါလောက် ထပ်ဖြည့်ပြီးပြုတ်ပါ။

ပြုတ်ပြီးသွားရင်တော့ ဖက်ကိုခွါ ကာ လှီးစိတ်ပြီး အုန်းသီးနဲ့ သကြား ဖြူးကာ စားသုံးနိုင်ပါပြီ။