ဂဏန်းသားတိုဖူးကြော်


ဂဏန်းသားတိုဖူးကြော်

048
ဒီဂဏန်းသားတိုဖူးကြော်ကို ကိုရီးယားအကင်ဆိုင်မှာ စားဖူးတာပါ အရသာ စိမ့်စိမ့် ချိုချိုလေးပါ။ အဆာပြေစားနိုင်တဲ့အစားအစာ တခုလို့ဆိုကြပါစို့။လုပ်ရတာတော့ တော်တော်လေး လွယ်ပါတယ်။ ထုံးစံ အတိုင်းကျမကလဲ လွယ်တယ်ဆိုမှလုပ်စားချင်သူမို့ ကျမအဆင်ပြေလွယ်ကူ စားကောင်းတယ် ဆိုရင်ပြောပြချင်တဲ့အတွက် ဒါလေးကိုရေးဖြစ်ပါတယ်နော်။ ကိုရီးယား အစားအစာတမျိုးဖြစ်တဲ့ ဂုံးကြက်ဥနှစ်ကြော် နဲ့ခပ်ဆင်ဆင်တူပေမဲ့ အရသာဟာ လုံးဝ ကွဲပြား တာတွေ့ရပါတယ်။ ဂဏန်းသားရဲ့ အချိုဓာတ်ရယ် တိုဖူးရဲ့အစိမ့်ဓာတ်ရယ်ကြောင့် အရသာ တမူထူးပါတယ်။ ဒီ post မှာကျမကကြက်ဥတိုဖူးကိုအသုံးပြုထားပါတယ်။ ရန်ကုန်မှာတော့ City Mart မှာကျမတွေ့ဖူးပါတယ်။ တိုဖူးချောင်းလေးတွေပေါ့။ လုပ်နည်းကြည့်ရအောင်နော်

ပါဝင်ပစ္စည်းများ
-ဂဏန်းသား 150 g
-ကြက်ဥတိုဖူး ၁တောင့်
-ကြက်ဥတလုံး
-ကြက်သွန်မြိတ် ၁ပင်
-ပြောင်းကော်မှုန့်၂ဇွန်း(စားပွဲတင်)
-ကြက်သားမှုန့်၁ဇွန်း(အချိုဇွန်း)
-ငရုတ်ကောင်း (အနယ်ငယ်)
-ဂျင်းထောင်းပြီးသား ၁ဇွန်း(အချိုဇွန်း)

ကြက်ဥတိုဖူးကို ခြေထားပေးပါ။ ကြက်သွန်မြိတ်ကိုပါးပါးလှီးထားပါ။

002

003
ဇလုံးတလုံးထဲတွင် ဂဏန်းသား၊ ခြေထားသော တိုဖူး၊ ကြက်သွန်မြိတ်၊ ပြောင်းကော်မှုန့်၊ ကြက်သားမှုန့်၊ ဂျင်း၊ ငရုတ်ကောင်း တို့ကိုရောမွှေပေးပါ။

004
ဆီပူတည်ပြီး ပူလာရင် ဇွန်းဖြင့်ခပ်ထဲ့ပြီး ကြော်ပေးပါ။ မီးကတော့အနေတော်ထားပေးပါနော်။ တဖက်က ရွှေရောင်သန်းရင် နောက်တဖက်ကိုလှန်ပြီးကြော်ပေးပါ။ နောက်တဖက်ပါ ကျက်ရင်ဆီစစ်ထားပါ။

017 018
ခပ်ပူပူအနေကို soy sauce  ဖြင့်တို့စားရင်အလွန်အရသာရှိပါတယ်။

041

Advertisements

ကိုရီးယားပဲခေါက်ဆွဲ


054 - Copy

ပဲခေါက်ဆွဲက ကျမတို့တအိမ်လုံးအသဲစွဲပါပဲ။ အထူးသဖြင့်ကျမ မမလေးကအလွန်ကြိုက်ပါတယ်။ Moon Bakery korea restaurant ကိုရောက်ရင်သူကဒါပဲမှာစားလေ့ရှိပါတယ်။ ကျမသမီးလေးသူငယ်ချင်းမေမေ က ကိုရီးယား မလေးပါ။ ဂျီးနာ လို့ခေါ်ပါတယ်။ သူကကျမရဲ့ မာလာဟင်းကိုကြိုက်သလို ကျမကသူ့ရဲ့ပဲခေါက်ဆွဲကို ကြိုက်ပါတယ်။ သူအိမ်မှာလုပ်ကျွေးဖူးသလိုခုလိုက်ချက်ကြည့်တာပါ။ နောက်ပြီး ဒီနည်းလေးက ကိုရီးယားမှာနေပြီး ကိုရီးယားအစားအစာ များကို ကျမထက်ပို ကျွမ်းကျင်မယ်လို့ ယုံကြည်ရပါသော ဒေါ်ကျူတီလေးဆီက မှီငြမ်းကိုးကားထားပါတယ်နော်။ သူတို့ကိုရီးယားမှာတော့ ခေါက်ဆွဲနဲ့ စားရင် ကျားကျန်မြောင် ထမင်းလေး နဲ့စားရင် ကျားကျန်ဘတ် လို့ခေါ်ပါတယ်။ ဘာနဲ့ပဲဖြစ်ဖြစ်ပူပူလေး စားမှစားလို့ကောင်းပါတယ်။ တကယ်တန်းက ပဲခေါက်ဆွဲဟာ မူလကတရုတ်အစားအစာတမျိုးဖြစ်ပြီး နောက်ပိုင်းကိုရီးယားနိုင်ငံရဲ့ရေပန်းစားတဲ့ ရိုးရာအစားအစာ ဖြစ်လာတာပါတဲ့။

ပါဝင်ပစ္စည်းများ(၂ပွဲစာ)
-ဝက်ဗိုက်ခေါက်သား(pork belly) ၂၀ဝ ဂရမ်(အတုံးလေးများ တုံးပေးပါ)
-သခွါးဖရုံသီး (courgette =Zucchini)၁လုံး(အတုံးလေးများ)
-အာလူးကြီးကြီး ၁လုံး(အတုံးလေးများ)
-ကြက်သွန်နီ ၁လုံး(အတုံးလေးများ)
-ကိုရီးယား ပဲအနှစ် ၃ဇွန်း(စားပွဲတင်)
-နှမ်းဆီ၃ဇွန်း(စားပွဲတင်)
-ပြောင်းကော်မှုန့်၂ဇွန်းရေဖျော်ပြီး(စားပွဲတင်)
-ဂျုံခေါက်ဆွဲ ၂ပွဲစာ
စစချင်း ဒယ်ထဲတွင် ကြက်သွန်နီ် ၊ ဖြူ နှင့် ဝက်ဗိုက်ခေါက်သားအတုံးလေးများကို ထဲ့ပြီးကြော်ပါ။

046
ဝက်သားကျက်ရင် အာလူး, သခွါးဖရုံသီးအတုံးလေးများထဲ့ကာ ၂မိနစ်ခန့်ဆက် ကြော်ပါ။ 047

အိုးထဲမှာပဲ အစာများကို ဘေးကပ်ပြီး BLACK BEAN အနှစ်ထဲ့၁မိနစ်ခန့်ကြော်ပေးပါ။ပြီးမှအကုန်ရောကြော်ပါ။

049
ရေအနဲငယ် ထဲ့ပြီးအသားများ၊ အသီးများနူးပါစေ။ နောက်ဆုံး ပြောင်းကော်ရည်ထဲ့ပြီး အရည်ပျစ်စေကာ နှမ်းဆီရောပြီး ခေါက်ဆွဲ ပေါ်တွင်၎င်း ထမင်းပေါ်တွင်၎င်းဆမ်းကာ ပူပူလေးစားသုံးပါ။ နှင့် လတ်လတ်ဆက်ဆက်သခွါးသီးလေးများ ဖြင့်စားရင်အလွန်ကောင်းပါတယ်။

050 060

ဂုံးကြက်ဥနှစ်ကြော်


ဒီဟာလေးက အိသက်အကြိုက်လေးပါ။ Sea Food ကိုအလွန်ကြိုက်ပါတယ်။Minor Sea Food Allergy  ရှိပေမဲ့ကြိုက်လွန်းလို့ခဏခဏစားဖြစ်ပါတယ်။ ဂုံးကိုသိပ်ကြီးလွန်းရင်တော့စားရမှာမရဲလို့အသေးလောက်ပဲချက်စားဖြစ်ပါတယ်။ ဒီဂုံးကြော်နည်းလေးက အစပ်အရသာလေးနဲ့တွဲထားပြီး ကြက်သွန်မြိတ်လေးပါလို့မွှေးလဲမွှေးပါတယ်။ လွယ်ကူပြီး အရသာရှိတဲ့ ဒီဂုံးကြော်လေးကို တင်ပြပေးလိုက်ပါတယ်။

ပါဝင်ပစ္စည်းများ(၁၀ခုစာ)
-ဂုံးအသား၂၀၀ ဂရမ်
-ဂျင်း ၁ဇွန်း(စားပွဲတင်)
-ကြက်ဥ၂လုံး
-ကြက်သွန်မြိတ် ၁ချောင်း(ပါးပါးလှီး)
-ငရုတ်နီ ၁တောင့်(ပါးပါးလှီး)
-ကြက်သားမှုန့်၁ဇွန်း(အချိုဇွန်း)
-ဆား ဇွန်းဝက်(အချိုဇွန်း)
-Self raising flour (or) corn flour ၃ဇွန်း(စားပွဲတင်)
ပထမဆုံး ဂုံးကိုရေစင်စင်ဆေးပြီး ဂျင်း၊ဆား၊တို့နယ်ထားပါ။

ကြက်သွန်မြိတ်၊ ငရုတ်နီ ကို ကြက်ဥနဲ့ရောခလောက်ထားပါ။ အရောထဲကို ကြက်သားမှုန့်ထဲ့ပါ။

 

Self raising flour ကို ပန်ကန်တခုထဲထဲ့ပါ။ နယ်ထားသော ဂုံးများကို အမှုန့်များဖြင့်ကပ်ပါ။

ကပ်ပြီးသား ဂုံး ၃-၄ ခုစီကို ကြက်ဥအရောများထဲ နှစ်ပါ။

ဆီအနဲငယ်ဖြင့် အပူပေးထားသောဒယ်ပေါ်တွင် အပြားလိုက်လေးများချပြီး တဖတ်ကို၁၀မိနစ် စီ မီးအနေတော်ဖြင့်ကြော်ပါ။

 

ကြော်ပြီးသောအခါ အရသာရှိသောဂုံးကြက်ဥနှစ်ကြော်ပူပူလေးများကို sweet chilli sauce  ဖြင့်၎င်း ကြိုက်နှစ်သက်ရာ sauce များဖြင့်သော၎င်းတွဲဖက်စားနိုင်ပါပြီ.

ပုဇွန်Udonခေါက်ဆွဲကြော်


ပုဇွန်Udonခေါက်ဆွဲကြော်
ဒီခေါက်ဆွဲလေးက များသောအားဖြင့် ဒီကကိုရီးယားဆိုင်၊ ဂျပန်ဆိုင်တွေမှာအသုံးများတာတွေ့ရတတ်ပါတယ်။ နန်းကြီးတို့ နန်းလတ်တို့ နဲ့တူပါတယ်။ ဒါလေးကတော့ အိသက်ဆီက မင်္ဂလာဆောင် အတွက်အော်ဒါမှာ တဲ့အတွက်ကြော်ပေးထားတဲ့ပုံစံလေးပါ။ နဲနဲလေးတော့အစပ်အရသာလေးကို ထဲ့ပေးထားပါတယ်။


ကြည့်ရအောင်
ပါဝင်ပစ္စည်းများ(၂ပွဲစာ)

-Udon noodle၃၀၀ ဂရမ်( ၁၅ကျပ်သား)
– chest nut မှို ၃ခု
– needleမှို ၅၀ ဂရမ် (၃ကျပ်သား)
-ငရုတ်ပွသီး ၅၀ ဂရမ်(၃ကျပ်သား)
– Spinach  ဒေါက်ခွလက်တဆုပ်(or) အရွက်တမျိုးမျိုး
-ပဲပင်ပေါက် လက်တဆုပ်စာ
-ငရုတ်ချိုနီ၁တောင့်(အစပ်ပေါ့ပါတယ်)
-မုန်လာဥနီ၁ဥ
-ကြက်သွန်မြိတ်၁ချောင်း
-ကြက်သွန်နီ၁လုံး၊ အဖြူ ၂မွှာ
-ဂျင်းလက်၁စစ်
-ကြက်သားမှုန့်၂ဇွန်း၊ ဆားနဲနဲ
-ပဲငံပြာရည်အကြည် ၃ဇွန်း(စားပွဲတင်)

ကြက်သွန်နီ၊ ငရုတ်နီတောင့်, chestnut မှို ကိုပါးပါးလှီးထားပါ။  ကြက်သွန်ဖြူဓားပြားရိုက်ထားပါ။ မုန်လာဥနီ၊ ဂျင်းကိုအချောင်းလေးများလှီးထားပါ။ ငရုတ်ပွကိုပါးပါးလှီးထားပါ။

Fresh noodle  ဖြစ်လို့ ရေနွေးဖျောစရာမလိုပါ။

ဒယ်ပေါ်တွင်ဆီ၁ဇွန်းခန့်ထဲ့ကာ ဂျင်းချောင်းအနဲငယ် ကိုပုဇွန်နဲ့ရောလှိမ့်ကာဖယ်ထားပါ။

ပြီ:မှ ကြက်သွန်နီ၊ ဖြူကို ဂျင်းထဲ့ပြီး ဆီပါးပါးနဲ့ကြော်ပါ။ အနံ့မွှေးလာပြီး ကြက်သွန်ကျက်ပြီဆိုရင် ကြက်သွန်မြိတ်၊ ပဲပင်ပေါက်မှ လွဲ၍ ကျန်သော အသီးအနှံများထဲ့ကြော်ပါ။

၅ မိနစ်ခန့်ကြော်ပြီးရင် ခေါက်ဆွဲထဲ့လုံးပါ။ ခေါက်ဆွဲနူးဖို့လိုရင် ရေအနဲငယ်တောက်ပြီးကြော်ပါ။ ကြက်သားမှုန့်၂ဇွန်း၊ ဆားနဲနဲ ၊ ပဲငံပြာရည်တို့ထဲ့ပါ။ ပြီးမှ ပဲပင်ပေါက်၊ ကြက်သွန်မြိတ်,  ကြော်ပြီးသားပုဇွန်လေးများထဲ့ပါ။ ခရူဆီတဇွန်း နောက်ဆုံးမှထဲ့ မွှေကြော်ပြီရင် ခေါက်ဆွဲကြော်မွှေးမွှေး အရသာရှိရှိလေးရပါပြီ။

 

ကိုရီးယားဝက်နံရိုးကြာစွယ်ဟင်း


ကိုရီးယားဝက်နံရိုးကြာစွယ်ဟင်း
ဒီရက်ပိုင်းအလုပ်အရမ်းများနေလို့ဟင်းတွေကချက်ဖြစ်ပေမဲ့မတင်ဖြစ်ဘူး။ ဒီနေ့တော့ဒါလေးတခုတင်လိုက်ဦးမယ်ဆိုပြီး ရေးဖြစ်ပါတယ်။ စားလို့အရမ်းကောင်းတာကြောင့်မမျှဝေပဲ မနေနိုင်လွန်းလို့ပါ။

ပါဝင်ပစ္စည်းများ
-ဝက်နံရိုး ၅၀၀ ဂရမ်
-အကြော်မှုန့်
-ကြာစွယ် ၂၀၀ ဂရမ်
-ကိုရီးယား ပဲငပိpaste
-ကိုရီးယား ငရုတ်သီးpaste
-ကြက်သွန်မြိတ်
-ကြက်သွန်ဖြူ ၃မွှာ
-ကြက်သွန်နီ ၁ခြမ်း
-ဆား၊ ကြက်သားမှုန့်၊ ဂျင်း
ဝက်နံရိုးလေးများကို ဆား၊ ကြက်သားမှုန့်၊ ဂျင်း ထဲ့ကာနူးအောင်ပြုတ်ပါ။

 

ပြီးရင် အကြော်မှုန့်မပျစ်မကျဲဖျော်ကာပြုတ်ပြီးသားဝက်နံရိုးများရွှေဝါရောင်ဖြစ်ကာကျွတ်သည်အထိ ကြော်ပါ။ ကြော်ပြီးသား ဝက်နံရိုးများကို ပန်းကန်ပေါ် မှာဖြန့်ခင်းထားပါ။

 သူငယ်ချင်းJuly ပေးထားတဲ့ပန်းကန်လေးပါ။

ကြက်သွန်နီ၊ြ ဖူ တို့ကို ကြိတ်ကာဆီသတ်ပါ။ဆားနဲနဲ၊ ကြက်သားမှုန့်၁ဇွန်း( စားပွဲတင်) ကြက်သွန်လေးများရွှေဝါရောင်သန်းလာရင် ကိုရီးယား ပဲငပိ ၁ဇွန်း၊ ကိုရီးယား ငရုတ်သီး ၂ဇွန်း ထဲ့ပါ။ ရေအနဲငယ်ထဲ့ပြီးအနှစ်ချက်ပါ။

\ 

အနှစ်ရရင် ကြာစွယ် ၊ ကြက်သွန်မြိတ် လေးများထဲ့ကာ ရေစပ်စပ်ထဲ့ပြီး ၃မိနစ်ခန့်ခဏအဖုံးအုပ်ပါ။

ပြီးတဲ့အခါဟင်းအနှစ်များကို ပန်းကန်ထဲ ဖြန့်ခင်းထားသော ဝက်နံရိုးလေးများပေါ်လောင်းချလိုက်ပါ။ 

အရသာအလွန်ရှိသောဟင်းပူပူကို ကိုထမင်းပူပူနဲ့တွဲစားနိုင်ပါပြီ။

ကိုရီးယားဝက်သားပဲသီးချက်


အိသက်အိမ်နားမှာ ကိုရီးယား၊ ဂျပန် လူမျိုးတွေခဏခဏတွေ့ရပါတယ်။ သမီး Cindy ရဲ့ သူငယ်ချင်းလေး မေမေက ကိုရီးယားမလေးပါ။ သူနဲ့ လဲခင်မင်ရင်းနှီးကြတာ တစ်နှစ်ကြော်ကြာပါပြီ။ သူ အိသက်တို့ အိမ်လာလည်ရင် ဗမာအစားအစာတွေကိုကျွေးတိုင်း မြိန်ရည်ရှက်ရည် စားပါတယ်။ သူတို့ အကြိုက်နဲ့ ကိုယ့်အကြိုက်တော်တော်ဆင်ပါတယ်။ ဒါလေးက သူ့သားလေး မွေးနေ့မှာ စားရတာလေးပြန်ချက် ကြည့်တာပါ။ မွှေးပြီး စားလို့တော်တော် အနှစ်သာရရှိပါတယ်။

ပါဝင်ပစ္စည်းများ( ၂ယောက်စာ)
-ဝက်သားပြားလေးများ ၅၀၀ ဂရမ်
-ဂျင်း၊ဆား၊ ကြက်သားမှုန့် ၁ဇွန်း(စားပွဲတင်)
-ပဲသီး ၃၀၀ ဂရမ်
-ကိုရီးယာဟင်းနှစ် ၂ဇွန်း (စားပွဲတင်)
-ရှောက်ရွက် ၄ ရွက်
-ကြက်သွန်နီ ၁လုံး (အတုံးလေးများလှီးထားပါ)
-ကြက်သွန်ဖြူ ၃မွှာ( ဓားပြားရိုက်ထား)
-ငရုတ်ကောင်းအစိမ်း ၃တွဲ


ဝက်သားပြားလေးများ ကို၂လက်မစီလှီးထားပါ။ ဂျင်းနဲ့ ဆားထဲ့ကာနယ်ထားပါ။

 
ကြက်သွန်နီ ၊ဖြူ ကို ဆီပူထဲ ထဲ့ကြော်ပါ။ ပြီးရင်ကိုရီးယာဟင်းနှစ် ၂ဇွန်း ထဲ့မွှေပါ။

 

ဝက်သားပြားလေးများ ရောကြော်ပါ။ ဝက်သားလေးများအရောင်ပြောင်းရင် ရေထဲ့ကာခဏအဖုံးအုပ်ထားပါ။

အသားများနူးလာရင် ရှောက်ရွက်၊ ပဲသီး၊ ငရုတ်ကောင်းအစိမ်း တို့ထဲ့ကြော်ပါ။ ရေစပ်စပ် ထပ်ထဲ့ကာ ၂မိနစ်ခန့် အဖုံးအုပ်ပြီးရင် အလွန်နှစ်လိုဖွယ် အနံ့အရသာရှိသော ကိုရီးယားဝက်သားပဲသီးချက် ရပါပြီ။

ကိုရီယားရေညှိသုတ်/ Korea seaweed salad


ရေညှိသုတ်လေးကလူနဲ့လဲတည့်တယ်။ စားလို့လဲကောင်းတယ်။ အိသက်ကseaweed stem ဂျယ်လီလိုရေညှိရှည်လေးတွေကိုပိုကြိုက်တယ်။kaiso salad  လို့ yo sushi မှာရောင်းတယ်။ ကိုယ့်ဘာသာလုပ်စားကြည့် ကိုယ်ကြိုက်တာလေးတွေပါထဲ့စားတာပေါ့နော်။ ခုသုတ်မှာကိုရီယား ရေညှိအစုံသုတ်လေးပါ။ လွယ်ပါတယ်နော်။ကလေး လေးတွေပါစားမှာမို့အစပ်လျှော့ထားပါတယ်။အစပ်ကြိုက်တတ်ရင်ပိုထဲ့ပါ။

Seaweed Salad is a very healthy option for human beings and delicious to eat as well. I love more of a jelly like long stem seaweed. You can try that in Yo Sushi as they name it Kaiso Salad. Well, I add anything I like when I do for myself. Let me share this easy to do Korean Seaweed Salad. Less chilli has been added for children. By all means, add more chilli if you like it.

ပါဝင်ပစ္စည်းများ
-seaweed stem ရေညှိ၁ထုပ်
-dried seweed mix  ရေညှိစုံ၁ထုပ်
-နှမ်းဖြူလှော်ပြီးသား ၁ဇွန်း(စားပွဲတင်)
-သကြား၂ဇွန်း(စားပွဲတင်)
-ကြက်သားမှုန့်၁ဇွန်း(စားပွဲတင်)
-ငရုတ်သီးလှော်မှုန့်၁ဇွန်း
-နှမ်းဆီ၁ဇွန်း(စားပွဲတင်)
– soy sauce ၁ဇွန်း(စားပွဲတင်)
ရေညှိများ seaweed mix ကို၁၅မိနစ် ရေအေး စိမ်ထားပါ။

Contents

-1 bag of seaweed stem

-1 bag of dried seaweed mix

– 1 tbl spoon of roasted white sesame

-2 tbl spoons of sugar

-1 tbl spoon of roasted crushed chilli

-1 tbl spoon of chicken powder

-1 tbl spoon of sesame oil

-1 tbl spoon of soy sauce

All the seaweed mixes are to be covered with cold water for 15 minutes.

     
ရေညှိseaweed stem ကိုရေအေးနဲ့ ၅ကြိမ်ခန့်ဆေးပေးပါ။

Seaweed stem are to be covered with cold water for 5 minutes.

  

သူ့အထုပ်ထဲမှာကို ဆားတွေအများကြီးပါ ပါတယ်။ အဲဒီဆားတွေကုန်အောင်ဆေးပစ်ပါ။ရေနွေးနဲ့ဆီနဲနဲထဲ့ပြီး၁၅မိနစ်လောက်ပြုတ်ရပါမယ်။ ပြီးရင် ရေအေး၁0မိနစ်လောက်စိမ်ထားပါ။ထို့နောက်တချို့ ရေညှိ အမျှင်လေးများ ထူနေသည်ကိုပါးအောင်ထိပ်မှလက်ဖြင့်ဆွဲခွါပေးပါ။ ပြီးကတ်ကျေးဖြင့် ၃- ၄ လက်မအရွယ်ဖြတ်ပါ။ အရှည်ကြီးများဖြစ်နေရင် စားတဲ့အခါခပ်ရမလွယ်လို့ပါ။

There is too much of a salt in it’s bag. Wash it all down and add a bit of oil and boil it for 15 minutes. Then cover it under cold water for 10 minutes. Tear apart the thick stem into thin one then cut them into a size of 3-4  inches to ease out the difficulties in eating long stems.

 


ရေညှိလေးများအဆင်သင့်ဖြစ်ပြီဆိုရင် နှမ်းဖြူလှော်ပြီးသား ၁ဇွန်း၊ သကြား၂ဇွန်း၊ ကြက်သားမှုန့်၁ဇွန်း၊ ငရုတ်သီးလှော်မှုန့်၁ဇွန်း၊ သကြား၂ဇွန်း၊ နှမ်းဆီ၁ဇွန်း(စားပွဲတင်)၊ soy sauce ၁ဇွန်း(စားပွဲတင်) တို့ကိုရေညှိလေးများနဲ့အတူဇလုံတခုထဲ ထဲ့ပြီး လက်ဖြင့် နှံ့အောင် ခပ်ဖွဖွမွှေ ပြီးစားသုံးလို့ရပါပြီ။

Once all the seaweeds are ready then add them into a bowl with all the above mentioned ingredients on top of the seaweeds and mix them all lightly and enjoy.

ကင်မ်ချီထမင်းကြော်


ကင်မ်ချီထမင်းကြော်


ဗမာပြည်ပြန်တုန်းအိမ်ကအမတွေလိုက်ကျွေးလို့ ကိုရီယား အစားအစာတော်တော် ရောဂါ ထလာသေးတယ်။ အမြဲတော့မစားနိုင်ဘူး။ ဟို ပုံပြင်ထဲကလိုပဲ ကြွက်မလေးက ကြွက်ထီးလေးနဲ့ပဲ နောက်ဆုံးညားဆိုသလို ဗမာအစားအစာကကိုပဲပိုခံတွင်းပိုတွေ့ တာပေါ့နော်။ ဒီလိုကင်ချီလေးကိုတော့ ချဉ်ငံစပ်လေးဆိုတော့ မကြာခဏစားချင်စိတ်ပေါ်မိတယ်။ လုပ်ရတာလဲ လွယ်လို့ပါ။ ကြည့်ရအောင်နော်။

ပါဝင်ပစ္စည်းများ ( ၃ယောက်စာ)
-ထမင်းချက်ပြီးသားသုံးပွဲစား
-ဘေကင်(ဝက်ပေါင်ခြောက်) ၂၀၀ ဂရမ်
-ကင်မ်ချီ ၄၀၀ ဂရမ်(လှီးဖြတ်ထားပြီး)
-ကြက်ဥ ၃လုံး
-ငရုတ်သီးခြမ်းခွဲ ၁ဇွန်း(စားပွဲတင်)
-ဆား၊ ကြက်သားမှုန့်

ဘေကင်(ဝက်ပေါင်ခြောက်) ကို ငရုတ်သီးခြမ်းခွဲ နဲ့ ပထမဆုံး ကြော်လိုက်ပါ။

ဘေကင် ကျတ်ပြီဆိုရင်ကင်မ်ချီ (လှီးဖြတ်ထားပြီး) ကို ထဲ့ပါ။ အထုပ်ထဲကကင်မ်ချီအရည်တွေပါ ထဲ့ပါနော်။

ပိုကောင်းပါတယ်။ ပြီးရင်ထမင်းချက်ပြီးသား သုံးပွဲစား ထဲ့ကြော်ပါ။ ဆား၊ ကြက်သားမှုန့် သင့်သလိုထဲ့ပေးပါနော်။


ပြီးရင် ကြက်ဥလေးကြော်ပြီးတွဲစားလို့ရပါပြီနော် ။