အညာနို့ခဲလုပ်စားမယ်


ဒါလဲ မေမြို့မှာစားခဲ့တာပဲနော်၊ နို့ခဲကအညာဘက်က ပိုလုပ်စားကြပါတယ်၊ နို့ခဲချက်စပ်စပ်လေးစားချင်နေတာကြာပြီ၊ မေမြို့က အဒေါ်ကြီးတယောက် လုပ်တာမြင်ဖူးတာပါ၊ သူကတော့ မုရိုးစေး အစက်လေးတွေချပါတယ် ၊အညာဘက်မှာဒီအပင်ပေါမှပေါ၊ ဒီမှာ တော့မုရိုးမရှိလို့ သံပရာရေသုံးမယ်နော်၊ အဓိက က နွားနို့ပျက်သွားအောင် အချဉ်ထဲ့တာပါနော်။

ပါဝင်ပစ္စည်းများ

-နွားနို့ သုံးလီတာခွဲ ဘူးကြီးတဘူး( ပြီးရင်သေးသေးလေးပဲကျန်တာ)
-သံပရာသီးနှစ်လုံး
-ဆားနဲနဲ

 

စစချင်း နွားနို့တွေအိုးထဲ ထဲ့ပြီ တည်ထားပါနော်( မီးနဲနဲ)

၊နွားနို့ ပူလာမယ်ဆိုရင် ခုလိုမျိုးသံပရာရည် ထဲ့ပြီး ဆက်မွှေပါနော်

၊ တော်တော်ကြာ ပွက်ခါနီးရင် နွားနို့ စပျက်လာတာတွေ့ရပါမယ်။

 အဆင်သင့်အနေအထားကိုရောက်ပါပြီ

   

အရည်နဲ့အဖတ် ကွဲပြီဆိုရင် ပိတ်စခံပြီး အရည်စစ်ချပါ၊ စစ်လို့ရတဲ့အရည်တွေက နို့ဦးရည်လိုပဲအားရှိပါတယ် ဆိုလို သိမ်းထားလိုက်တယ်(သမီးငယ်ကအရမ်းကြိုက်ပါတယ်)၊ နောက်ပြီး ဟင်းထဲ ထဲ့ချက်လို့ရှိရင် စိမ့်ပါတယ်နော်။

  အရည်စစ်ပြီးသားအဖတ်တွေကိုဆားနဲနဲထဲ့နယ်ပြီး အဲဒီအဝတ်နဲ့ပဲ ကျပ်ကျပ်စည်းပြီးအလေးဖိထားလိုက်ပါနော် ၊ လေး ငါး နာရီဆိုရင်ရပါပြီ

   

ရလာတဲ့ နွားနို့ခဲလေးကို ဒယ်ပေါ်မှာဆီသုတ်ရုံလေး သုတ်ပြီး ကင်ပါ၊ ညိုလာရင် နွားနို့ခဲလေးရပါပြီနော်

Advertisements